Wild-Voss-Ikon_visittkort.png

Førstehjelp i vinterfjellet

Kurs i Jordalen, 25-27.januar 2019

Curso en primeros auxilios

Øv på å løyse reelle situasjonar i vinterfjellet 

Foto: Sigvor D. Mala 

Kursinnhald:

Denne helga skal vi trene på å løyse nokre situasjonar som ein kan hamne i på tur i vinterfjellet: brotskadar, blødningar, nedkjøling og snøblindheit. Korleis behandle skaden? Kva utstyr krevst? Korleis planlegg me og utfører ein evakuering? Improvisasjon og samarbeid blir naudsynte element undervegs. Du blir og grundig drilla på rutinar for pasientundersøking (ABCDE).

Kurset kombinerar teori og praksis, der størstedelen av kurset finn stad ute i fjellet. Årstida og omgjevnadane byr på utfordrande og realistiske kurstilhøve. Vi bur i ei komfortabel hytte på Nosi øvst i Jordalen. Der lagar vi mat saman, gjennomgår teori og søv i gode, varme senger. 
 

Krav til deltakarar:

Kurset er tilpassa deg som er glad i å vere ute på tur i vinterfjellet, og som vil lære meir om kva som skal til for å ta hand om deg sjølv og dine vener om eit uhell skulle skje. Det krevst ingen forkunnskapar om førstehjelp, men du må ha erfaring frå skiturar i vinterfjellet

Plan: 

Vi møtast på garden Nosi i Jordalen kl 18.00 fredag 25.januar. Dit kjem du med privatbil. Kursleiar koordinerar transport ved behov. Hytta ligg like ved parkeringsplassen. Hytta har moderne standard med innlagt straum og vatn. Framifrå skiterreng finst like utanfor døra. Kveldsøkt med prat om naudsynt førstehjelpsutstyr og førebuing til tur i vinterfjellet.

 

Laurdag og sundag kombinerar vi teori og diskusjonar med praktiske øvingar ute i fjellet. Størstedelen av kurset finn stad ute, om veret tillet. Temaliste: pasientundersøking, hypotermi og frostskadar, ankelbrot, blødningar, snøblindheit. Pasientbehandling, evakuering og improvisasjon. 

 

Kurset avsluttast innan kl 17 sundag.  

Utstyr:

Du må ha med eige skiutstyr (fjellski med stålkantar eller lett rando/telemarkutstyr). Hugs feller. Ta med hodelykt, skibriller (goggles), termos og drikkeflaske. Vind- og vasstett bukse og jakke med god hette. Varme klede til kaldt vêr i høgfjellet. Ta med førstehjelpsutstyr, kart, kompass og vindsekk om du har. Skrivesaker er lurt. Alle må ha skredutstyr (spade, søkestong og sendar/mottakar). Skredutstyr kan lånast utan ekstra kostnad. Hugs sengetøy/sovepose/lakenpose og toalettsaker.  

Kursleiar:

Kursinstruktør er Jakob Årmann. Han er ein røynd fjellkar, og NF-sertifisert Breinstruktør 1, Klatreinstruktør 1 Høgfjell og Isklatreinstruktør. Han er utdanna sjukepleiar og jobbar i ambulansen i Sogndal. Han har teke etterutdanning innan fjellmedisin (ScanDIMM). 

 

Pris og vilkår:

Kr 2490,-  Prisen inkluderar kursdeltaking frå fredag kveld til sundag ettermiddag, leige av naudsynt skredutstyr (spade, søkestong og sendar/mottakar) og overnatting på hytte i to netter. Mat kjem i tillegg, og organiserast som eit spleiselag. 

Les om vilkår for påmelding og deltaking på våre arrangement. 

 

Spørsmål og påmelding:

Send epost til post@wildvoss.no eller ring Øystein i Wild Voss på 93484041. Faktura blir sendt ut på epost. Påmeldinga er stadfesta når betalinga er mottatt. Kursleiar kontaktar alle deltakarar med praktisk informasjon i god tid før kurset. 

 

Påmeldingsfrist: 20.januar. Førstemann til mølla.